راشد المنصوري

راشد المنصوري

سلام من هو فزته فزت الطير

عند اسطفاقه بالهوا فوق ثم زاد

حراً ومخلابه سوات المناشير

وله في جزيل الصيد للصيد طراد

أتعبت عمري كلها بالمشاوير

نبغي السلامه من طويلات الابعاد

نتعب على الطيّب ولابه مخاسير

على سلوم الطيب نبقى على العاد

من يتكل بالله يجزاه بالخير

ومن يطلب الانسان بالطيب مافاد

الله هو الي مدبر الوقت تدبير

لا له شريكن له ولا له من اولاد

من حكم حكمه يعدل العدل ويصير

سبحان ربي ياتي المزن وراد

بعض الرفاقه دقته كنه النير

وبعض الرفاق مضيّع الوقت بالرقاد

ومن كان يبغانا على الشر والخير

يبشر بِنَا عند الملاقات حصاد

ولأجل الوطن ناتي صفوف وطوابير

و ناتي على الفزعه سريات وافراد

سقت المثايل دون نقصٍ وتقصير

صوب الذي يفهم من العلم بالشهاد

والخاتمه صلوا عدد طاير يطير

على نبيٍ خاتمٍ كل الاعداد

 

Advertisement


H