فارس الثابتي

فارس بن ناصر الثابتي

من هز جذع الشعر بالهام

تسقط له أبكار  القصايد

واللي ملبّس قافه إحرام

يلقى احسناته بالفرايد

وانا ملقّحهن مية عام

لين اولدن في (عام زايد)

لاْن التسامح شرع حكام

بافضالهم دايم نزايد

بامجادهم كم رفت اعلام

ولهم وسط (مارب) شهايد

(مارب) بلادي والفخر قام

لا نامت عيون المحايد

باوقف مع اهل الحق مقدام

راعي قصيد،،، ولي عوايد

ماني قطوع بْوصل الاقلام

ربّات فكري في رغايد

شافن رجال بْحسبة اعمام

 ورجال ما منهم فوايد

انظر لهن بعيون رسّام

وارقى بهن في راس نايد

احيا على واقع له احكام

واموت في الاحلام وايد

مهرة خيالي ما لها  لْجام

لو ان وضعي عـ الحدايد

اومي لـ طيري كل ما حام

ثم ياب لي روس الطرايد

ما سمتهن في سوق من سام

الا ألبّسهن قلايد !...

ما آخلّف الّا بصمة ابهام

شعري فضا..  والفكر رايد

 

Advertisement


H