محمد الفهدي

محمود الفهدي –

يوم الكرى يحرم عليه

هذي فناييني وشي هيل     هاتوا الدلال الشاذلية

من بن شعري برضف الكيل   تستاهل ويوه ندية

من بوظبي وحملي انا ثقيل    ودبي تستاهل تحية

محاسب ومنقي الجيل         والله يبارك فالنقية

يوم ان حسادي مذاهيل      قامت تميل الشاعرية

وتبوح من صدري مواويل      سرية تتبع سرية

والشعر جيل من ورا جيل       متوارثينه الأغلبية

العز ما هو بالتساهيل            بيدين خلاق البرية

يبغي شجاع يحط ويشيل      ويبغي كفوف حاتمية

وانهد من عقب الجفا الحيل  سبت ابو عين دعية

الي يميل القلب له ميل       أترقبه في كل   ييه

تقطعت عنه المواصيل       ما عادها هي الأولية

وأمسيت اقلب فالتفاصيل     كنها مسابيح ف يدية

 

Advertisement


H