محمد القحطاني

محمد القحطاني

من  مطار  العين  طارت  طايره  جباره

فوقها   طيار  قحطاني   وظرفه  طاري

ساقها  لدبي  ناوي  يلطم   اغلا  شاره

بالعزيمه  والطموح  وبالقصيد الناري

مثّل  شعوره    بطلعتها    ومثّل  داره

وحط نجم الجدي وجهتها وجاكم ساري

تحتها  غيم  وسحاب  ومزنتن  مدراره

وفوقها  ماعاد باقي  غير  عرش الباري

في  جوانبها  علم  دارن    ترد  الغاره

راية  التوحيد  والسيفين  وام الذاري

دار   اخو نوره  جعل ربي   يعز  دياره

قبلة  الاسلام   وديار  السلام   وداري

وحلقّت في  دا زايد  ماهي  بمحتاره

تنقل  بيوت الثنا  لاهل الثنا  وتماري

بعد  ماخصت  خليفه  سيدي  بزياره

تشكره على  وفاه  اللي جرا  والجاري

قدمت  للشيخ   ابوخالد  مزبن  جاره

سيف عز  لكفه اللي  بالمكارم  ظاري

وبعد ماالكبتن  عطاها  للمطير  اشاره

ودعّت  نقطة مدرجها  القديم اجباري

صوب دار اللي  بطيبه  نفخر  وبفكاره

سيدي  بوراشد  وياحي  ذاك  الطاري

منبع  الهام العرب في عصرنا باصراره

وصانع  اعجوبة دبي  بكفه المعماري

وعند   تجار  القصيد   بلوله  ومحاره

حولت فالمهبط الاول بجزل اشعاري

دون قاصر  بزملاي  الصفوه المختاره

لجل الاول حامسن بني  وشاعم ناري

 

Advertisement


H