نشيرة الجابري

نشيرة الجابري

عِصَيْر الهاجس اتبادى سكب لي الشعر والقيفان

رذاذه والمطر يسجع بها القمري على البانه

ووابل رشـه مـحمل ثـقالٍ بـيـض مـن الامـزان

ويروي الفكر من سحبه عليّ  ان صب هتّانه

اصرّفها واحرفنها وأضبّط شوكة الميزان

أنا لي قاف بالفطره أبد مااختل ميزانه

وباللحن المسجّع دوزنه لي دان  لاله دان

بحور الشعر اغوص بها واطلّع منّها دانه

تصدّر لي على الفاضي واورّدها على المليان

وحتى لو غدت عندي خماص تْعود مليانه

انا ماهاب من شاعر على الميدان ياحميدان

لنا صوله لنا جوله بمضماره وميدانه

سكب لي يا نديمي كاس غيٍ تروي العطشان

قدح بيضا وبلّوره بها تتمازج ألوانه

احس اني وهاجوسي سجينٍ يعشق السجان

ترى ماهي بغريبه السجين يحب سجانه

يحدر بي على وادي سكنه اغلب ملوك الجان

اذا الوادي يكض بهم عفاريته مع جانه

سلام الله عليكم أمن آياتٍ من القرآن

حديد ما تطيق ابّه نماريده و شيطانه

اذا بعلم ٍ على علمٍ وكل علمٍ وله برهان

وكلٍّ جاب دلٍ لي على علمه وبرهانه

ظلام الليل والعتمه سحابٍ والقمر ما بان

اذا ألواح تطّاير وفِي كل لوح تبيانه

ونارٍ في زوايا الواد يصعد منها دخّان

نعوذ بربنا الهادي من الوادي ودخانه

اقول الانسحاب أبرك اذا هو كان بالإمكان

الا ياهاجسي خذني  مكان آدلّ عنوانه

عمل ما شئت ان تعمل خذيت العفو والمسحان *(لعلها: السمحان)

ولا غيرك أخذ عفوي خذا صكه وغفرانه

 

Advertisement


H