برديس خليفة

برديس خليفة

بسم الكريم الواحد و عالي الشان

العادل اللي سامي ٍ في جلاله

أدخل بيوت الشعر من كل الألحان

و اسقيت فكري قهوة ٍ من دلاله

الشعر مزنة تمطر بكل ميدان

و أفخر بأني ماخذه من زلاله

يا لجنة التحكيم بَ ابدا من الآن

أبيات شعري موجزة و الرسالة

درس ٍ غزير بموقفه صار عنوان

نسيان ونات الألم و الجهالة

من مايْعَرف الحب أو قدر الإنسان

تلعب على صدق المشاعر فعاله

جرح ٍ ورى جرح ٍ و تزداد الأحزان

وش فايدة دمعٍ جرى و انهماله

يلعب على الحبلين باللعب فنان

و مْن العسل يعطيج قول و جماله

الخاطر المكسور لي زار نسوان

ما يجبره الا صدودٍ يناله

لاتصدقين إنه على الوصل شفقان

في الجد حتى ما تبين ظلاله

العذر جاهز ينطقه شخص خسران

انه رهين لبنت عمه و خاله

من ميت بحبج و من صدق ضميان

ما يتركج الا و إنتي حلاله

 

Advertisement


H