قبل كمن يوم انتشر مقطع فيديو غير حضاري على "السوشل ميديا" من النمسا لبنتين يتضاربون في الباص عادة يقولك انهم خليجيات هذا والله أعلم.
على سالفة مقطع الفيديو جريدة البيان – اتجاهات – تحت المجهر أوردت مقال للكاتبة ميساء راشد غدير تناولت فيه سلوكيات وتصرفات بعض السياح الخليجيين (ونقول بعض حتى لا نعمم عالغير) .. محد كان متخيل ولا متوقع أن في يوم من الايام ان السياح الخليجيين يوصلون لهاي الدرجة ويكونون سبب في استفزاز بلديات وسكان "اوروبا" من الاضرار اللي يابوها للحدايق العامة والحيوانات اللي فيها والضجيج اللي يسوونه بسياييرهم الرياضية.
ولا سمعوا بعد شو مسوين يقولكم شلة من الشباب الله يستر عليهم ماخذين بط من البحيرة وشاوينه جنه مب شايفين شي ياكلونه, ولا هذا غير اللي حاط اغاني وقاعد يترقص في مكان عام اوكي وشو المغزى من هاي الحركة الله وأعلم .
عاد شوفوا بلدياتهم شو قرروا يسوون في السياح الخليجيين؟ يقولكم رفعوا اسعار الشقق والفنادق وخففوا من التأشيرات عادة بعد ما قامت بعض الحكومات الخليجية بتسهيل دخول مواطنينهم لاوروبا واعفائهم من التأشيرات للسياحة ولا للعلاج