28 فبراير, 2016  

كل مجتمع وعنده خصوصيته اللي ياخذها من معاله, ومن أبرز المعالم اللي رسمت شكل الحياة في المجتمع الإماراتي واللي نسميها بـ "الفرجان" واللي هي الأحياء القديمة اللي يسكنها شعب الإمارات وترسم ملامح حياتهم الإجتماعية ومناسباتهم.

اهم مايميز في الفريج هو الحب والتراحم والتعاون والجيرة الطيبة اللي تجمع بين سكان الفريج, كانت الحياة في الأول اكثر بساطة وبعيدة عن الترف والرفاهية اللي في المجتمع الحالي والتطور الكبير في الحياة والمنطقة بل في الدولة بكبرها عقب اكتشاف النفط, فكان من الطبيعي يتعاونون سكان الفريج على المصاعب وقسوة الحياة وغير هذا كانوا يعرفون بعض وتربطهم علاقة قوية على عكس الحين كل واحد عايش في عزلة من غير ما يعرف جاره.

مع التطورات اللي صارت هناك ملامح وأماكن تجمع في ذاكرة كل شخص عاش أحلى اللحظات وأحلى حياة في هاذي الفرجان القديمة , و اكيد ما تعتبر بس اماكن سكنية بل تعبر عن ثقافة اجتماعية كانت في المجتمع الإماراتي.

Advertisement


H